Serokê Herêma Kurdistanê pêşwaziya Sekreter û Endamên nû yên Serkirdayetiya Partiya Demokrata Kurdistanê li Suriye kir


KRP.org | |
09/04/2014
Îro çarşem 09.04.2014 li Selahedîn birêz Mesûd Barzanî Serokê Herêma Kurdistanê pêşwaziya Si'ud Mela Sekreterê nû yê Partiya Demokrata Kurdistanê li Suriye û Endamên Serkirdayetiya wê partiyê kir û li gel wan civiya.

Di destpêka kombûnê da Sekreterê nû yê Partiya Demokrata Kurdistanê li Suriye ji bo rexsandina vê hevdîtinê spasiya Serok Barzanî kir û bi kurtî ji encamên kongreya yekîtiya siyasî û dirustbûna Partiya Demokrata Kurdistanê li Sûriye û erk û raspardeyên vê kongreyê xisterû û Serok Barzanî ji serkeftina kongreyê agahdar kir. Her li vê kombûnê da endamên serkirdayetiya PDKS bi vê helkeftê pîrozbahiyên xwe pêşkêşî gelê Kurd û Serok Barzanî kirin û ji bo Serok Barzanî û gelê Kurd soz dan li xizmeta rêbaza Kurdayetî û berjewendiyên neteweyiyên gelê xwe dabin. Sekreter û Endamên Serkirdayetiya Partiya Demokrata Kurdistanê li Sûriye spasiya Serok Barzanî kirin ku palpiştê xuşk û birayên Kurd li Sûriye bûye û palpiştiya Serok Barzanî ji bo berev pêşvebirina doza rewaya gelê Kurd li Sûriye bi sedemeke bi hêz zanîn.

Li beranber da Serok Barzanî ji bo serketina kongreyê û encamên kongreyê pîrozbahiyên xwe pêşkêşî gelê Kurd û şanda mîhvan kir û hêvî xwest ku li erk û karên xwe de serkeftî bin. Serok Barzanî li gotarek de balkişande li ser wê yekê ku bîr û baweriya Kurdayetiyê me li dewra hevdû komkiriye û ji bilî wê balkişand li ser xebata gelê Kurd li Sûriye ku em her çi bikin nikarin qerzê gelê Kurd li Sûriye bidîn ji ber ku li rojên teng da yarmetiya şoreş û xebata tevgera rizgarîxwaza Kurdistanê dane û ew dilsozî û xemxuriya wan cihê şanaziyê ye.

Serok Barzanî li dirêjahiya axaftina xwe de daxwaz li Sekreter û Endamên Serkirdayetiya nû ya Partiya Demokrata Kurdistanê li Sûriye kir vê serkeftinê û encamên kongreyê biparêzin û birayane û kurdperwerane li gel hevdû da bin û erkê we yê serekî ewe bê ku nehêlin vê derfeta li Kurdistana Sûriye ji bo gelê Kurd hatiye holê bi vala biçê. Serok Barzanî amadehiya tevahiya xwe û Herêma Kurdistanê ji bo palpiştîkirina Partiya Demokrata Kurdistanê li Sûriye ragihand û balkişand li ser wê yekê ku ji bo muamelekirina li gel rewşa siyasiya Sûriye û Rojavayê Kurdistanê li nav xwe da her biryarek bidin palpiştiyê li we dikin. Serokê Herêma Kurdistanê li dawiya axaftina xwe de paşaroja gelê Kurdistanê bi geş û pir bi hêvî wesif kir û wê yekê xisterû ku guhertinên navçeyê û cîhanê li berjewendiya gelê Kurdistanê ye û pêwîste em hemû sûd ji van derfetan werbigrîn ku ji bo gelê me hatiye holê.






SOURCE:: KRP PAGE HIT:: 157